បន្ទាយមានជ័យ៖ អាជ្ញាធរក្រុងបាននាំកម្លាំងចម្រុះ ជម្លៀសពលរដ្ឋរងគ្រោះដោយសារទឹកជំនន់ជាង៧០គ្រួសារ ដែលរស់នៅតាមអូរព្រំដែនកម្ពុជា-ថៃ ក្នុងក្រុងប៉ោយប៉ែតទៅទីទួលសុវត្ថិភាពជាលើកទី២។

អភិបាលក្រុងប៉ោយប៉ែត លោក គាត ហ៊ុល មានប្រសាសន៍ថាប្រាប់ EAC News ថា មកទល់វេលាថ្ងៃត្រង់ថ្ងៃទី២០ ខែតុលានេះស្ថានភាពទឹកជំនន់ក្នុងក្រុងបានឡើងបណ្ដាលឱ្យប៉ះពាល់ដល់ពលរដ្ឋជាង១០០គ្រួសារ និងត្រូវបានអាជ្ញាធរជម្លៀសមកទីទួលសុវត្ថភាពបានចំនួនជាង៧០គ្រួសារ។

បើតាមលោក គាត ហ៊ុល នេះគឺជាលើកទី២ហើយដែលទឹកជំនន់ហូរតាមបណ្តោយអូរព្រំដែនកម្ពុជា-ថៃបង្កឲ្យប៉ះពាល់លំនៅឋានប្រជាពលរដ្ឋ ដែលមួយផ្នែកគឺជាភ្លៀងដែលនៅក្នុងភូមិសាស្ត្រក្រុងប៉ោយប៉ែតផ្ទាល់ និងមួយផ្នែកទៀតគឺដោយសារទឹកទម្លាក់មកពីប្រទេសថៃដែលបានបើកទំនប់បង្ហូរ៕